Прэзідэнт Расіі Уладзімір Пуцін дапусціў, што Расія і Японія змогуць знайсці кампраміс у тэрытарыяльнай спрэчцы вакол Курылаў пры росце ўзроўню даверу з Токіа.
Аб гэтым кіраўнік расійскай дзяржавы паведаміў у інтэрв'ю агенцтву Bloomberg у чацвер напярэдадні сустрэчы з прэм'ерам Японіі Сіндза Абэ на Усходнім эканамічным форуме ва Уладзівастоку.
«Гаворка не ідзе пра нейкі абмен, пра нейкія продажы, гаворка ідзе аб пошуку вырашэння, пры якім ніводны з бакоў не будзе адчуваць сябе ні пераможаным, ні прайграўшым», - сказаў Пуцін.
Ён падкрэсліў, што Расія «не гандлюе тэрыторыямі». У той жа час, адзначыў Пуцін, «нам бы вельмі хацелася з нашымі японскімі сябрамі знайсці вырашэнне гэтай праблемы». «І калі мы даможамся такога ж высокага ўзроўню даверу з Японіяй», як і з Кітаем, то «можам знайсці нейкія кампрамісы», адзначыў ён.
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску29
Каментары