Труна з целам прэзідэнта Узбекістана Іслама Карымава адпраўленая з аэрапорта Ташкента ў Самарканд, дзе адбудзецца яго пахаванне. Праводзілі жалобны картэж на вуліцах горада некалькі тысяч жыхароў Ташкента.
Цела прэзідэнта Узбекістана, пра смерць якога ўлады краіны паведамілі напярэдадні, адправілі з Ташкента ў Самарканд, паведамляе ТАСС. У Самаркандзе 3 верасня адбудзецца пахаванне Іслама Карымава.
Як адзначае агенцтва, у аэрапорце Ташкента жалобны картэж сустрэлі больш за тысячу чалавек. Труна з целам Карымава была накрыта белым паланцінам і нацыянальным сцягам краіны, працэсію суправаджала рота дэсантнікаў, духоўныя асобы і сваякі Карымава.
На тэрыторыю аэрапорта труну занеслі вайскоўцы, яна была адпраўленая ў Самарканд. Паветраная прастора над гэтым горадам для грамадзянскіх рэйсаў цяпер закрыта, адзначае ТАСС.
Як паведамляў карэспандэнт РБК з Ташкента, раніцай у суботу, 3 верасня, уздоўж трасы, па якой ехаў жалобны картэж, выстраіліся некалькі тысяч чалавек з кветкамі ў руках.
Калі картэж праязджаў міма людзей, яны кідалі пад колы аўтамабіляў кветкі, многія — плакалі.
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты7
Каментары