Арганізатары першага канцэрта Brutto ў Гомелі назвалі стаўленне чыноўнікаў «пазітыўным»
Стала вядома, што 29 кастрычніка ў гомельскім лядовым палацы адбудзецца першы выступ BRUTTO у Беларусі.
Чаму менавіта там?
Пра гэта «Нашай Ніве» распавёў прадстаўнік кампаніі — арганізатара канцэрта, Аляксандр.
«Гэта зручна па лагістыцы. Мы хочам, каб музыкантам было зручна дабірацца да горада, нам было зручна дабірацца да горада. Шмат фактараў, пакуль не пра ўсё можна казаць», — сказаў Аляксандр.
На перспектыву тура па Беларусі ён сказаў так: «Трэба зрабіць першы канцэрт, а далей будзем глядзець».
Таксама прадстаўнік кампаніі сказаў, што наўрад ці паўторыцца ранейшая гісторыя, калі чыноўнікі спачатку дазволілі BRUTTO выступіць у Мінску, а потым, літаральна напярэдадні выступу, адмянілі сваё рашэнне.
«Пакуль нічога не дае падстаў меркаваць, што будзе адмена. Зносіны з ідэолагамі магу назваць вельмі пазітыўнымі. Пакуль не хочацца выходзіць за рамкі і расказваць больш, але галоўнае — мы сутыкнуліся з добрым стаўленнем», — падсумаваў Аляксандр.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў6
Каментары