Міністр замежных спраў Польшчы Вітольд Вашчыкоўскі запрасіў кіраўніка беларускага знешнепалітычнага ведамства Уладзіміра Макея наведаць з візітам Варшаву ў бліжэйшы час.
Адпаведнае запрашэнне было перададзена 21 верасня ў час сустрэчы ў Мінску намесніка міністра замежных спраў Беларусі Алены Купчыной з паслом Польшчы Конрадам Паўлікам, паведамілі ў прэс-службе МЗС Беларусі.
Адзначаецца таксама, што бакі абмеркавалі пытанні інтэнсіфікацыі беларуска-польскага супрацоўніцтва.
Як паведамлялася, 19 ліпеня ў Варшаве адбылася сустрэча Алены Купчыной і Вітольда Вашчыкоўскага. Былі абмеркаваны далейшае развіццё двухбаковых адносін, пытанні дыялогу па лініі Беларусь - ЕС і рэгіянальнай праблематыкі. У МЗС Польшчы пасля заканчэння мерапрыемстваў адзначылі, што Вітольд Вашчыкоўскі выказаў задавальненне прагрэсіруючай нармалізацыяй адносін паміж Польшчай і Беларуссю. Міністр замежных спраў растлумачыў, што «яна азначае прагрэс ва ўсіх сферах супрацоўніцтва - не толькі ў галіне палітычных і парламенцкіх кантактаў».
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары