У Расіі пацвердзілі жаданне атрымаць доступ да SSL-сертыфіката для магчымасці кантраляваць увесь інтэрнэт-трафік
У адміністрацыі прэзідэнта газеце «Коммерсант» пацвердзілі абмеркаванне расшыфроўкі і аналізу ўсяго інтэрнэт-трафіку расейцаў. Гэта пацвердзіла гендырэктар InfoWatch і член рабочай групы «ІТ+Суверэнітэт» пры адміністрацыі прэзідэнта Наталля Касперская.
«Тэма перадачы SSL-сертыфіката органам улады ўсплывала, лабіруюць яе Раскамнадгляд і ФСБ, якім гэта трэба. І гэтае патрабаванне перадачы сертыфіката — абсалютна правільная рэч, таму што цяпер у нас ёсць кавалак інтэрнэту, які зусім непадкантрольны ўласнай краіне, гэта няправільна», — паведаміла Касперская падчас канферэнцый BIS Summit — 2016 у адказ на пытанне «Коммерсанта». «Збор дадзеных ажыццяўляецца ў глабальным маштабе шмат кім, і, на жаль, гэтыя «шмат хто» знаходзяцца па-за межамі нашай дзяржавы, гэта зусім няправільна. Вы паклалі мабільную прыладу ў кішэню — усё, на гэтым прыватнасць скончылася, давайце глядзець праўдзе ў вочы», — адзначыла яна.
Раней «Комеерсантъ» пісаў, што ФСБ, Мінкамсувязі і Мінпрамгандаль працуюць над тэхнічнымі рашэннямі для расшыфроўкі і аналізу ўсяго інтэрнэт-трафіку расейцаў. «ФСБ выступае за тое, каб расшыфроўваць увесь трафік у рэжыме real-time і аналізаваць яго па ключавых параметрах, умоўна кажучы, паводле слова «бомба», а міністэрствы настойваюць на расшыфроўцы трафіку толькі па тых абанентах, якія прыцягнуць увагу праваахоўных органаў», — распавёў суразмоўца выдання ў адміністрацыі прэзідэнта.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў29
Каментары