Гандлёвыя арганізацыі Мінска ў кастрычніку правядуць для пакупнікоў акцыі «Дні зніжак» на нехарчовыя тавары, паведамілі ў галоўным упраўленні спажывецкага рынку Мінгарвыканкама.
Так, ААТ «ЦУМ Мінск» 8 і 22 кастрычніка прапануе пакупнікам набыць тавары са зніжкай 17%. Зніжка ў 20% у ТКУП «Універмаг Беларусь» будзе дзейнічаць 4, 11, 12, 18, 25, 29 кастрычніка. Танней на 20% можна будзе набыць нехарчовыя тавары 13 і 27 кастрычніка ў ААТ «ГУМ». Таксама 20-працэнтная зніжка будзе дзейнічаць 5, 12, 19 і 26 кастрычніка ў гандлёвым доме «На Нямізе». Танней на 15% будуць тавары ў УП «Кірмаш» 5, 12, 19 і 26 кастрычніка. Крамы гандлёвага цэнтра «Сталіца» 8 і 22 кастрычніка прапануюць зніжкі ад 5% да 50%.
Акрамя таго, УП «Бліскавіца» 2 кастрычніка будзе гандляваць са зніжкай 15%; крамы ТАА «Дамалюкс» 8 і 22 кастрычніка — 15%; ТАА «Старт-Х» 5, 12, 19 і 26 кастрычніка — 15%, а ТТАА «Севяранка» 12, 20 і 26 кастрычніка аб'яўляе зніжкі 15% на асобныя групы прамтавараў. ЗАТ «1000 дробязяў» 6, 13, 20 і 27 кастрычніка прапануе зніжку 15% на ўсе тавары, акрамя газавых лічыльнікаў і пліт; ЗАТ «Гаспадар і Гаспадыня» 12 кастрычніка — 20%. ТДА «Вераніка» абвясціла 3-7 кастрычніка зніжку 20% на пледы і пакрывалы, 10-14 кастрычніка — 20% на спадніцы, 17-21 кастрычніка — 20% на шторы, 24-28 кастрычніка — 20% на адзенне для цяжарных.
Цяпер чытаюць
Полк Каліноўскага паведаміў пра гібель трох байцоў2
Каментары