Прэсненскі суд Масквы прызнаў блогера Антона Носіка вінаватым у размяшчэнні ў інтэрнэце экстрэмісцкіх матэрыялаў і прысудзіў яго да штрафу ў памеры 500 тысяч расійскіх рублёў (8 тыс. даляраў).
Сам Носік раней заявіў, што ўмоўны тэрмін для яго нічым не лепшы за рэальны. У апошнім слове ён папрасіў суддзю не абмяжоўвацца паўмерамі і альбо апраўдаць яго, альбо адправіць у калонію на два гады.
«Калі я невінаваты — апраўдайце мяне. Калі вінаваты, дайце рэальны тэрмін. Мы ж дарослыя сур'ёзныя людзі, не баімся ні начальства, ні адзін аднаго, ні Масгарсуда. Сумку з рэчамі я ўжо сабраў», — заявіў блогер на пасяджэнні ў Прэсненскім судзе Масквы.
Носіка судзілі па частцы 1 артыкула 282 КК. Падставай да пераследу стала запіс у ЖЖ пад загалоўкам «Сцерці Сірыю з твару зямлі»
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары