У цэнтры Тбілісі выбухнуў аўтамабіль апазіцыйнага палітыка, паплечніка экс-прэзідэнта Грузіі Міхаіла Саакашвілі Гіві Таргамадзэ. Пра гэта ён заявіў у эфіры тэлеканала Rustavi2.
«Я не адразу зразумеў у чым справа. Выйшаў з офіса, сеў з кіроўцам у машыну. Я мяркую, што выбуховае прыстасаванне было ўкладзена ў заднюю частку аўтамабіля», - сказаў дэпутат партыі «Адзіны нацыянальны рух».
Таргамадзэ дадаў, што ён і кіроўца не атрымалі моцных раненняў. Ён удакладніў, што ў выніку выбуху пацярпелі тры чалавекі, якія праходзілі міма. Іх даставілі ў медыцынскія ўстановы.
Таргамадзэ - апазіцыйны дэпутат з партыі экс-прэзідэнта Міхаіла Саакашвілі «Адзіны нацыянальны рух». Расійскія ўлады абвінавачвалі яго ў спробе фінансаваць пратэстны рух.
8 кастрычніка ў Грузіі пройдуць парламенцкія выбары. АНД бярэ ў іх удзел.
Саакашвілі, які зараз узначальвае адміністрацыю Адэскай вобласці, паабяцаў у выпадку перамогі прыехаць у Грузію. У сваю чаргу ўлады абяцаюць яго арыштаваць.
Цяпер чытаюць
Сталі вядомыя падрабязнасці пра трагедыю ў Полацкім манастыры3
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары