Упраўленне Следчага камітэта па Брэсцкай вобласці высвятляе акалічнасці дарожна-транспартнага здарэння ў Брэсце, у якім загінула жанчына, што ляжала на дарозе.
Як паведаміла афіцыйны прадстаўнік упраўлення Следчага камітэта па Брэсцкай вобласці Марына Дранькова, ДТЗ мела месца 12 кастрычніка каля 20.20 на аўтадарозе, што вядзе ад трасы М1/E30 (Камянецкае кальцо) да вуліцы Чырвонагвардзейскай.
Паводле папярэдніх звестках, 46-гадовую жанчыну, якая ляжала на паласе руху ўпоперак праезнай часткі, пераехалі не менш за два транспартныя сродкі. У іх ліку аўтамабіль «ВАЗ», якім кіраваў 26-гадовы жыхар Брэста, і «Пежо 406». За яго рулём знаходзіўся 27-гадовы брэстаўчанін.
Жанчына загінула на месцы ДТЗ. Яна пражывала ў вёсцы Камароўка Брэсцкага раёна.
Следчым упраўленнем УСК па Брэсцкай вобласці распачатая справа па ч. 2 арт. 317 КК (парушэнне правілаў дарожнага руху, што пацягнула па неасцярожнасці смерць чалавека).
Высвятляюцца ўсе абставіны здарэння, у тым ліку фізічны стан жанчыны на момант ДТЗ і прычына яе гібелі, ці мелі месца іншыя факты наезду транспартных сродкаў на пацярпелую. Прызначаны комплекс судовых экспертыз.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары