У турме ў Саудаўскай Аравіі адлупцавалі члена сям'і кіруючай у краіне каралеўскай дынастыі, паведамляе ВВС са спасылкай на мясцовыя СМІ.
Прысуд аб цялесным пакаранні для прынца, чыё імя пакуль не называецца, вынес суд.
Паводле даных газеты Okaz, прынц разам з іншымі вязнямі быў адлупцаваны ў турме «Чырвонае мора», якая знаходзіцца ў горадзе Джыда.
Саудаўскія СМІ не паведамілі, за што прынц патрапіў у турму і колькі удараў бізуном ён атрымаў.
Каралеўская сям'я Саудаўскай Аравіі налічвае некалькі тысяч членаў. Яны рэдка падвяргаюцца пакаранням.
У сярэдзіне кастрычніка ў Саудаўскай Аравіі, дзе дзейнічае ісламская заканадаўства, быў пакараны смерцю прынц Туркі бін Сауд аль-Кабір. Гэта стала першым у гісторыі краіны пакараннем смерцю члена каралеўскай сям'і.
Каментары