Адкрыцьцё выставы твораў прадстаўнікоў міжнароднага цэнтру мастацтваў «Kunsthaus Tacheles» у Музэі сучаснага выяўленчага мастацтва (пр‑т Незалежнасьці, 47) адбудзецца а 17‑й гадзіне.
Сярод удзельнікаў выставы — Алесь Родзін, беларускі мастак, які жыве за мяжой і адыгрывае прыкметную ролю ў жыцьці мастацкага цэнтру.
Слова «Tacheles» (шчырая размова, простая гутарка) паходзіць зь ідыш. Назва адсылае да праблемаў з цэнзурай у ГДР, калі мастакі і музыкі ня мелі магчымасьці адкрыта выказваць свае творчыя памкненьні.
Пасьля падзеньня бэрлінскай сьцяны, мастацкая суполка заняла гістарычны будынак у Бэрліне, каб выратаваць яго ад зносу.
Пачаткова — нефармальны культурніцкі цэнтар, «Kunsthaus Tacheles» з часам ператварыўся ў значную для ФРГ міжнародную мастацкую пляцоўку.
Выстава працягнецца да 27 ліпеня.
Каментары