Праз абласныя газэты жыхароў і гасьцей Віцебска папярэдзілі, што кожны, хто кіруецца ў цэнтар гораду мусіць прайсьці асабісты кантроль. Яго будуць ажыцьцяўляць міліцыянты ў 5‑ці спецыяльна абсталяваных КПП.
Ад 10 ліпеня цэнтар гораду абвешчаны «рэжымнай зонай»: трапіць туды можна толькі праз кантрольна‑прапускны пункт, абсталяваны металашукальнікамі.
Адмысловыя меры бясьпекі ўведзеныя з нагоды фестывалю «Славянскі базар у Віцебску», які распачнецца заўтра ўвечары і будзе працягвацца да 18 ліпеня.
Праз абласныя газэты жыхароў і гасьцей Віцебска папярэдзілі, што кожны, хто кіруецца ў раён летняга амфітэатру і іншых канцэртных пляцовак пасьля 16‑й дня, мусіць прайсьці асабісты кантроль. Яго будуць ажыцьцяўляць міліцыянты ў 5‑ці спецыяльна абсталяваных КПП.
Не прапусьцяць мінакоў зь вялікімі сумкамі, а таксама з любога кшталту прадметамі, падобнымі да зброі — да прыкладу, з цацачнымі дзіцячымі аўтаматамі ці сувэнірнымі запальнічкамі, стылізаванымі пад пісталет. На тэрыторыі рэжымнай зоны забаронена ўжываць сокі ў пакетах і любыя іншыя напоі ў непразрыстых бутэльках. За межы фестывальнага цэнтру вынесеныя ўсе транспартныя прыпынкі, не змогуць трапіць сюды і прыватныя аўтамашыны.
Пасьля выбуху ў Менску ў мясцовым грамадзкім транспарце расклеілі абвесткі, у якіх рэкамэндавана зьвяртаць увагу на ўсе падазроныя прадметы — пакінутыя без нагляду сумкі, скрынкі, асабліва калі яны маюць «нехарактэрныя элемент», да прыкладу, калі да іх прымацаваны дрот або элемент электрычнага сілкаваньня. Выклікаць у падобных выпадках міліцыю раяць таксама ў вусных абвестках на віцебскіх вакзалах і кірмашах. Грамадзянам абяцаюць, што супрацоўнікі міліцыі зьявяцца цягам сямі хвілін.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары