Афіцыйны прадстаўнік МЗС Расіі Марыя Захарава адказала інфармацыйнаму агенцтву Regnum, якое прыстрашыла падаць у суд на яе за каментар пра затрыманых у Беларусі карэспандэнтаў выдання. Яна лічыць, што галоўнаму рэдактару агенцтва лепш судзіцца з самім сабой.
Раней у сераду інфармацыйнае агенцтва Regnum заявіла, што падае ў суд пазоў да Захаравай аб абароне гонару і годнасці, а таксама нанясенні шкоды дзелавой рэпутацыі выдання.
Незадаволенасць агенцтва выклікаў каментар Захаравай пра лёс трох карэспандэнтаў Regnum у Беларусі. Юрый Паўлавец, Дзмітрый Алімкін і Сяргея Шыпценка былі затрыманыя 9 снежня па абвінавачванні ў распальванні міжнацыянальнай варожасці. Пазней суд заключыў іх пад варту.
Адказ Захаравай на пагрозу судовага пазову быў размешчаны на сайце МЗС Расіі. Яна паведаміла, што галоўны рэдактар Regnum Мадэст Колераў сам прасіў яе пракаментаваць заяву пасла Сурыкава. Міністэрства атрымала ад яго ліст з такой просьбай.
«Можа быць, М.А.Колераву трэба падаваць у суд не на трэція асобы, а на самога сябе, і тады па рашэнні суду ён атрымае ўсе адказы на пытанні і аб «саўдзеле ў злачынстве», і аб рэпутацыі, і пра тое, хто канкрэтна маецца на ўвазе ў артыкуле пад «звар'яцелай недадзяржавай», — гаворыцца ў заяве Захаравай.
Прадстаўнік МЗС Расіі таксама папракнула рэдакцыю Regnum у цынічных паводзінах і спробах «самапіяру ў момант, калі калегі трапілі ў складаную сітуацыю». Супрацоўнікі Regnum пакуль не адказалі Захаравай.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары