У навагоднім звароце да ўкраінцаў прэзідэнт Пятро Парашэнка назваў 2017 года асаблівым. Тэкст звароту апублікаваны на афіцыйным сайце прэзідэнта Украіны.
«Гэта — год стагоддзя Украінскай нацыянальнай рэвалюцыі», - заявіў прэзідэнт.
«Але тады ўкраінцы, замест таго, каб згуртавацца супраць вонкавых пагроз, ваявалі паміж сабой. І зараз, калі не зрабіць высноў, бяздумнае палітычнае супрацьстаянне можа лёгка вярнуць эканоміку назад, у піке. Палітыку — пагрузіць у анархію. А краіну - зрабіць здабычай агрэсара», - растлумачыў Парашэнка.
Ён таксама сказаў, што пра важныя ўрокі гісторыі не трэба забываць нават у навагоднюю ноч. «Я зрабіў высновы. Чужых памылак - не паўтару. І іншым - не дам», - сказаў Парашэнка.
Ён дадаў, што зараз падстаў для аптымізму ва ўкраінцаў больш, чым было год таму. Горшае ў эканоміцы краіны ўжо ззаду.
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны4
Каментары