Па падазрэнні ў дачыненні да нападу на начны клуб у Стамбуле шукаюць выхадца з Сярэдняй Азіі — меркавана, грамадзяніна Узбекістана ці Кыргызстана. Пра гэта са спасылкай на крыніцы ў паліцыі паведамляе CNN Turk.
Па дадзеных тэлеканала, паказанні аб грамадзянстве меркаванага тэрарыста далі прыхільнікі «Ісламскай дзяржавы», затрыманыя ў ходзе рэйдаў у гарадах Турцыі з 28 па 31 снежня.
Невядомы адкрыў стральбу ў начным клубе Reina ў ноч на 1 студзеня. У выніку загінулі 39 чалавек, 16 з якіх — замежнікі, у тым ліку адна грамадзянка Расіі. 65 чалавек былі шпіталізаваны.
Затрымаць нападніка не ўдалося, яго шукае турэцкая паліцыя.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда12
Каментары