Гулец мадрыдскага «Рэала» і зборнай Партугаліі Крыштыяну Раналду прызнаны найлепшым футбалістам года паводле версіі Міжнароднай федэрацыі футбола (ФІФА). Цырымонія прайшла ўвечары 9 студзеня ў Цюрыху.
На гэтае званне таксама намінаваліся Антуан Грызман і Ліянэль Месі. Месі на цырымонію не прыехаў
Найлепшым гульцом сярод жанчын была прызнаная амерыканка Карлі Лойд, найлепшым трэнерам - Клаўдыа Раньеры з «Лестэра».
Узнагароду ў намінацыі fair play атрымаў калумбійскі футбольны клуб «Атлетыка Насьяналь». Каманда павінна была гуляць у фінале Паўднёваамерыканскага кубка з бразільскім клубам «Шапекаэнсе», гульцы якога загінулі ў авіякатастрофе па дарозе на гульню. Пасля крушэння «Атлетыка» прапанаваў прысудзіць бразільцам перамогу ў турніры, што і было зроблена.
Самым прыгожым голам 2016 стаў гол малайзійца Фахра Субры.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары