Ужо сёння днём паступленне цёплага паветра атлантычнага паходжання пагоршыць надвор'е, а тэмпературны фон будзе павышацца.
Пра гэта расказала карэспандэнту БелТА намеснік начальніка службы метэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Святлана Рыбакова.
У пятніцу, 20 студзеня, умовы надвор'я на тэрыторыі Беларусі будуць вызначаць атмасферныя франты і цёплая вільготная паветраная маса. Чакаецца перавага воблачнага надвор'я. Пройдуць невялікія ападкі ў выглядзе мокрага снегу, удзень — мокрага снегу з дажджом. У асобных раёнах краіны чакаецца туман, галалёд, на дарогах галалёдзіца. Тэмпература паветра ўначы складзе ад нуля па паўночным захадзе да мінус 7 градусаў па паўднёвым усходзе краіны. Тэмпература ўдзень будзе знаходзіцца ў межах ад мінус 2 да плюс 3 градусаў.
У суботу, 21 студзеня, надвор'е ў краіне будзе вызначаць чарговая франтальная сістэма, якая перамяшчаецца з акваторыі Балтыйскага мора. Захаваецца няўстойлівае надвор'е з адлігай. На большай частцы тэрыторыі краіны пройдуць кароткачасовыя ападкі (мокры снег, дождж). У асобных раёнах чакаецца туман, галалёд, на дарогах галалёдзіца. Тэмпература паветра на працягу сутак складзе ад мінус 3 да плюс 2 градусаў.
У нядзелю, 22 студзеня, з ростам атмасфернага ціску надвор'е палепшыцца і крыху падмарозіць. Будзе пераважна без ападкаў, толькі ўначы ў паўднёва-заходніх раёнах, а ўдзень месцамі па поўначы Беларусі магчымы невялікі снег. На асобных участках дарог чакаецца галалёдзіца. Тэмпература паветра ўначы панізіцца да 2-9 градусаў марозу, па паўночным усходзе паветра пахаладнее да мінус 10-12 градусаў. Удзень тэмпература складзе ад нуля да мінус 5 градусаў, па захадзе — да плюс 2.
«У панядзелак надвор'е ў краіне ўначы будзе вызначаць у асноўным вобласць павышанага ціску, а ўдзень — атмасферны фронт, што перамяшчаецца са Скандынаўскага паўвострава», — адзначыла Святлана Рыбакова. Уначы ў асобных раёнах, удзень пераважна па паўночнай частцы краіны пройдуць кароткачасовыя ападкі (мокры снег, дождж). У асобных раёнах магчымы туман, слабы галалёд, на дарогах галалёдзіца. Тэмпература паветра ўначы панізіцца да 1-8 градусаў марозу, удзень складзе ад мінус 4 да плюс 2 градусаў.
У аўторак, 24 студзеня, захаваецца ўплыў атмасферных франтоў і паветраных мас, што перамяшчаюцца са Скандынаўскага паўвострава.На большай частцы тэрыторыі Беларусі чакаецца кароткачасовы мокры снег. На асобных участках дарог магчыма галалёдзіца. Тэмпература паветра ўначы складзе ад нуля да мінус 7 градусаў, пры праясненнях — да мінус 10. Удзень — ад мінус 3 да плюс 2 градусаў.
У сераду, 25 студзеня, тэрыторыя Беларусі зноў апынецца пад уплывам вобласці павышанага атмасфернага ціску. Будзе пераважна без ападкаў, толькі ўначы ў асобных раёнах, а ўдзень па паўночным усходзе краіны пройдзе кароткачасовы снег. На асобных участках дарог магчыма галалёдзіца. Тэмпература паветра ўначы панізіцца да мінус 4-11 градусаў, а ўдзень складзе ад нуля да мінус 7 градусаў.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца5
Каментары