Галоўны рэдактар «Народнай волі» Іосіф Сярэдзіч распавёў «Нашай Ніве», пра што ён размаўляў сёння на сустрэчы з Аляксандрам Лукашэнкам.
Сп. Сярэдзіч зазначыў, што выступіў сёння адвакатам незалежных СМІ.
«Праблема, якая існавала апошнія гады з рэгіянальнымі газетамі, ад сёння знікае. Лукашэнка сказаў мне: «Можаш адкрыта сказаць сваім калегам, што больш яе не будзе».
«Барысаўскія навіны» і «Газета Слонімская» цяпер атрымаюць доступ у кіёскі ды падпісныя каталогі.
Па словах Сярэдзіча, «Народная воля» будзе і далей трымацца таго курсу, якога трымалася.
«Для нас самае галоўнае — адстойваць дэмакратычныя каштоўнасці, правы чалавека, свабоду слова. Мы — за плюралізм. Навошта ўсё мяняць? Мы ж не будзем сёння падмяняць «Советскую Белоруссию» ці іншую афіцыйную газету? «Народная воля» застаецца «Народнай воляй».
Галоўны рэдактар «Народнай волі» кажа, што не ішоў дамаўляцца з Аляксандрам Лукашэнкам. «Мая справа была — выказаць сваё бачанне развіцця падзей Беларусі, якім чынам усім нам, беларусам, не дапусціць нейкіх драматычных падзей на нашай зямлі, каб тут не палыхнула нічога, каб не было вайны і крывавых разборак».
«Я ўспомніў таго ж Ярузэльскага. У крытычны час для палякаў Ярузэльскі ініцыяваў нацыянальны польскі круглы стол. Я думаю, што над гэтай прапановай задумаецца і Лукашэнка, і я не выключаю, што такая магчымасць будзе. Трэба садзіцца і спакойна вырашаць», — рэзюмаваў Сярэдзіч.
Апытанка
-
У Польшчы пачаўся суд над бандай падпальшчыкаў і гандляроў зброяй, якіх наймалі расійскія спецслужбы. Сярод абвінавачаных трое беларусаў
-
У ААН зарэгістравалі скаргу былой палітзняволенай Ларысы Шчыраковай на прымусовую дэпартацыю з Беларусі
-
Якая логіка судоў за Гаюн? Мужчына, якога затрымлівалі па гэтай справе, апісаў убачанае
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае19
Каментары