Прэзідэнт Дональд Трамп заявіў, што папрасіў свайго дарадцу па нацыянальнай бяспецы Майкла Фліна сысці ў адстаўку, бо ён не быў задаволены тым, як той кантактаваў з віцэ-прэзідэнтам ЗША Майкам Пенсам. Пра гэта паведамляе Reuters.
«Я не думаю, што ён зрабіў нешта не так», - сказаў Трамп. Паводле яго слоў, у кантактах з расійскімі чыноўнікамі Флін «сёе-тое рабіў правільна».
Трамп таксама адзначыў, што не прасіў Фліна весці перамовы з паслом Расіі ў ЗША Сяргеем Кісляком пра санкцыі. Аднак даручыў б яму весці такія перамовы, «калі б ён гэтага не рабіў».
У аўторак, 14 лютага, Майкл Флін сышоў з пасады дарадцы па нацыянальнай бяспецы. Ён выбачыўся перад Трампам і Пенсам за тое, што даў няпоўную інфармацыю пра размовы з расійскім паслом у Вашынгтоне Сяргеем Кісляком. Флін звярнуў увагу на тое, што ён не цалкам інфармаваў віцэ-прэзідэнта пра змест размовы з паслом з-за «хуткіх падзей».
29 снежня адміністрацыя Барака Абамы ўвяла новыя санкцыі ў дачыненні да Расіі, абвінаваціўшы яе ва ўмяшанні ў выбары прэзідэнта ЗША. У той жа дзень, па дадзеных Reuters, Кісляк і Флін правялі пяць тэлефонных размоў. Дарадца Трампа распавёў аб адной, адзначыўшы, што санкцыі не абмяркоўваліся.
Аднак, паводле інфармацыі The Washington Post, Флін абмяркоўваў з Кісляком санкцыі і падаў Маскве «сігнал» аб магчымым змякчэнні санкцый супраць Расіі.
Цяпер чытаюць
Стала вядомая асоба рабочага «Беларуськалія», які загінуў пры абрушэнні горнай пароды1
Каментары