Жыхарка Баранавічаў падшафэ заблакавала дзверы BMW і легла спаць на вачах у інспектараў, паведамілі ва ўпраўленні Дзяржаўтаінспекцыі УУС Брэсцкага аблвыканкама.
Кур'ёзны выпадак адбыўся сёння ноччу. Супрацоўнікі ДАІ, якія ажыццяўлялі нагляд за бяспекай дарожнага руху, звярнулі ўвагу на аўтамабіль ВMW Х5, кіроўца якога дэманстраваў дзіўную манеру язды. Інспектар падаў кіроўцу патрабаванне аб спыненні, якое той адразу ж выканаў. Падышоўшы да аўтамабілю, інспектар жэстам папрасіў адкрыць фортку, каб ажыццявіць праверку дакументаў. Замест гэтага жанчына-кіроўца заблакавала дзверы аўтамабіля і перасела на пярэдняе пасажырскае сядзенне. Затым яна апусціла спінку сядзення і, уладкаваўшыся зручней, легла спаць. Усе наступныя просьбы адкрыць дзверы жанчына ігнаравала.
Праз некаторы час інспектары ў прысутнасці панятых разбілі фортку кіроўцы і адкрылі дзверы аўтамабіля. Толькі пасля гэтага жанчына пайшла на кантакт. Падчас праверкі высветлілася, што 45-гадовая жыхарка Баранавічаў кіравала аўтамабілем у стане алкагольнага ап'янення, у крыві ў яе выяўлена 1,4 праміле алкаголю. Як патлумачыла сама затрыманая, яна вярталася з гасцей, дзе выпіла каля 200 г гарэлкі.
У дачыненні да жанчыны складзеныя адміністрацыйныя матэрыялы, аўтамабіль дастаўлены на штрафстаянку. Выяўлена, што жыхарка Баранавічаў ужо прыцягвалася да адміністрацыйнай адказнасці за кіраванне транспартным сродкам у стане алкагольнага ап'янення. За паўторнае на працягу года правапарушэнне ў адпаведнасці са арт. 317-1 КК у гэты раз яна будзе прыцягнутая да крымінальнай адказнасці.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі4
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2626
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра26
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары