Лукашэнка запатрабаваў ад міністра абароны вызначыць умацаваныя раёны, якія будуць занятыя на працягу сутак
Палітык сёння правёў нараду, дзе абмеркаваў вынікі праверкі баявой і мабілізацыйнай гатоўнасці 7‑й асобнай спецыяльнай міліцэйскай брыгады ўнутраных войскаў МУС.
Ён расказаў, што ў Беларусі ёсць умацаваныя раёны, якія ўзброеныя сілы ў выпадку неабходнасці зоймуць на працягу сутак, паведамляе яго прэс-служба.
«Не стану хаваць ад сваіх магчымых сапернікаў у будучым канфлікце, не дай бог, вядома, але міністру абароны я пастаянна нагадваю пра тое, што сёння ў краіне павінны быць вызначаныя пункты, куды імгненна, на працягу сутак (а наша лагістыка дазваляе ў Беларусі гэта зрабіць), выйдуць Узброеныя сілы і зоймуць гэтыя пункты. Умацаваныя раёны, як у нас іх называлі. Іх пэўная колькасць ёсць на заходняй мяжы», —сказаў Аляксандр Лукашэнка.
Паводле яго слоў, кожны пункт вайсковец павінен ведаць, асабліва той, каго будуць прызываць з запасу.
«Я гэта памятаю па сваёй ваеннай службе непасрэдна ў арміі. Нас тады вучылі: раптам што-небудзь здарыцца — ты павінен быць у тым акопе вось з такой зброяй. Так робім і мы сёння, каб нашы вайскоўцы ведалі, на якім напрамку дзейнічаць. Не адзін раз прызваліся, пабывалі ў гэтым умацаваным раёне і ведалі, якой зброяй яны будуць абараняць нашу краіну».
Ён звярнуў увагу, што ў цяперашніх няпростых умовах і абстаноўцы вакол Беларусі ўсе дзяржаўныя органы сілавога блока абавязаны дзейнічаць прафесійна, упэўнена і аператыўна.
«Мы павінны быць гатовыя да самага негатыўнага для нас сцэнарыя. А сцэнарыі гэтыя намі пралічаныя, вядомыя. Але нельга дапусціць новага вітка агрэсіі. Сёння гэта нікому не патрэбна. Не павінна быць з нашага боку такіх дзеянняў, якія расцэньваліся б як агрэсія», — сказаў Лукашэнка.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Вам трэба пад малую Такмачку
А то там і не ведаюць пра тыя цуды.