Ад 1 верасьня 2010 году шэраг выданьняў, у ліку якіх «Наша Ніва» і «Arche», мусяць перайсьці на новыя правілы беларускага правапісу. Галоўны рэдактар часопісу «Arche» Валер Булгакаў кажа, што ў афіцыйна зарэгістраваных выданьняў ня будзе асаблівага выбару, калі паўстане пытаньне існаваньня часопісу наагул.
Ад 1 верасьня 2010 году шэраг выданьняў, у ліку якіх «Наша ніва» і «Arche», мусяць перайсьці на новыя правілы беларускага правапісу. Галоўны рэдактар часопісу «Arche» Валер Булгакаў кажа, што ў афіцыйна зарэгістраваных выданьняў ня будзе асаблівага выбару, калі паўстане пытаньне існаваньня часопісу наагул:
«Я, з аднаго боку, згодны , што праблемы ўніфікацыі існуюць. Зь іншага боку, канечне, трэба прызнаць, што рэформа ажыцьцяўляецца дзяржавай ва ўласьцівай ёй дэспатычнай манеры. Я згодны з тэзісам, што вялікая разнастайнасьць правапісных сыстэмаў, якія дэ‑факта абслугоўваюць беларускую мову на тэрыторыі цяперашняй Рэспублікі Беларусь, прыводзяць у зман карыстальнікаў беларускай мовы, а таксама людзей, якія чытаюць і ўспрымаюць нейкім чынам прадукцыю на беларускай мове. На мой погляд, для больш пасьпяховага функцыянаваньня беларускай мовы, заваёвы ёй новых грамадзкіх (і ня толькі) сфэраў уніфікаванасьць не пашкодзіла б. Бо па вялікаму рахунку гэта шлях больш‑менш разьвітай ці заснаванай на багатай культурнай традыцыі заходнеэўрапейскай мовы.
Але што датычыць цяперашняга моманту, безумоўна, што ў мяне ёсьць вялікія адносна гэтага сумневы. Магчыма нават казаць, што за гэтай рыторыкай улада проста хавае сваю сапраўдную палітыку, якая скіраваная на тое, каб канчаткова выціснуць з публічнай легальнай сфэры тыя выданьні і тыя праекты, якія дэ‑факта не прымаюць апошнюю кадыфікацыю беларускага правапісу, якая была ажыцьцёўленая ў 1957‑59 гадох, а цяпер дадаткова ўдакладненая кампаніяй Лукашанца і зацьверджаная прэзыдэнтам».
-
Дуліна адказала Калеснікавай: Плашч намёртва прыстаў да Лукашэнкі. Лячыць трэба хваробу, а не сімптомы
-
Томас Венцлава: «Літва і Беларусь ніколі не варагавалі. Гэта рэдкі выпадак для адносін двух народаў»
-
Фядута — Калеснікавай: Машанька, ці вярніцеся на Месяц, ці не вучыце жыць тых, хто стаміўся набіваць гузы ад чарговага наступання на граблі
Цяпер чытаюць
Зяленскі ў Вільні: Пакуль шпіц Лукашэнкі мае больш правоў, чым народ Беларусі20
Каментары