Раней сям’і ўжо давалі шанец выправіць сітуацыю.
У 2025 годзе суд адмовіўся пазбаўляць маці і бацьку правоў і папярэдзіў іх аб неабходнасці змяніць стаўленне да выхавання. Аднак праз некаторы час дзяцей зноў давялося забраць з сям’і, пішуць Мінск-Навіны.
Гаворка ідзе пра чатырох хлопчыкаў 2018, 2020, 2022 і 2023 гадоў нараджэння і дзяўчынку 2023 года нараджэння.
Пасля першага суда дзяцей вярнулі бацькам, але пазней сям’ю зноў прызналі такой, што знаходзіцца ў сацыяльна небяспечным становішчы. Затым прызналі, што дзеці маюць патрэбу ў дзяржаўнай абароне, і змясцілі ў прытулак.
Бацькі злоўжывалі алкаголем, дома сістэматычна не было прадуктаў і прыгатаванай ежы. Пасля таго як дзяцей забралі, сужэнцы не ліквідавалі прычыны.
У судзе маці і бацька выступалі супраць пазбаўлення бацькоўскіх правоў. Яны заяўлялі, што любяць дзяцей, хочуць вярнуць іх дадому і спрабуюць справіцца з алкагольнай залежнасцю.
Тым не менш суд задаволіў пазоў упраўлення па адукацыі і пазбавіў сужэнцаў бацькоўскіх правоў у дачыненні да ўсіх пяцярых дзяцей.
Бацькі абскардзілі рашэнне, аднак яго пакінулі без зменаў. Цяпер яно ўжо ўступіла ў законную сілу.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію12
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары