Ад пачатку года кватэры ва ўсіх абласных цэнтрах працягваюць таннець РЭЙТЫНГ
Ад пачатку года ва ўсіх абласных цэнтрах, а таксама ў Мазыры, Полацку і Лідзе, кватэры працягнулі таннець, паведамляе Realt.by. У Гродне і Гомелі за студзень-сакавік кошты апусціліся больш чым на 5%.
Іншая група, якая складаецца выключна з буйных гарадоў без статусу абласнога цэнтра, адзначылася станоўчай дынамікай. Прычым месцамі тэмпы росту коштаў былі досыць высокімі - чаго вартыя +3-4% у Салігорску, Пінску і Оршы. Мінск з паказчыкам -0,4% за першы квартал 2017 гады знаходзіўся роўна ў сярэдзіне спісу.
Не сакрэт, што звычайна новыя трэнды зараджаюцца ў сталіцы, затым падзеі паўтараюцца ў абласных цэнтрах і толькі потым у астатніх буйных гарадах краіны. Сітуацыя, калі ва ўсіх абласных цэнтрах кватэры таннеюць, а ў большасці іншых буйных гарадоў растуць у цане, з'яўляецца даволі нечаканай.
Калі разглядаць апошнія 12 месяцаў, то Мінск пакуль адзіны горад, дзе сярэдняя цана прададзеных кватэр не знізілася (+1%). Сярод абласных гарадоў самае нязначнае зніжэнне было зафіксавана ў Віцебску (-6%), а ў Гомелі кошты апусціліся на важкія 15%. Сярод іншых буйных гарадоў найменшае зніжэнне коштаў адзначана ў прысталічных Барысаве і Маладзечне (-7%), а максімальная карэкцыя зафіксавана ў Бабруйску (-14%) і Лідзе (-18%).
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?4
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць77
Каментары