Затрыманага за рулём п'янага начальніка Столінскага РАУС пакараюць штрафам і звольняць
Начальніка Столінскага РАУС Вячаслава Філіпчыка, якога 23 красавіка затрымалі за рулём п'яным, пакараюць штрафам і звальненнем з органаў.
Пра гэта на прамой лініі сказаў намеснік міністра ўнутраных спраў — начальнік міліцыі грамадскай бяспекі Мікалай Мельчанка.
— Акрамя звальнення з органаў, ён панясе пакаранне згодна з адміністрацыйным кодэксам. З улікам яго былой пасады і ўсіх абставінаў, у дачыненні да яго будзе прынята самае жорсткае рашэнне. Ён будзе пакараны штрафам - яго прыцягнуць да адказнасці па арт. 18.16 ч.1 КаАП РБ. Не я прымаю рашэнне - па гэтым артыкуле можа быць і да 100 базавых велічынь штрафу (2300 рублёў), — адзначыў Мікалай Мельчанка.
Цяпер чытаюць
Былы памочнік Лукашэнкі Ігар Брыло прызнаў, што набраў хабараў на $2 мільёны14
Каментары