Умерана цёплае і няўстойлівае надвор'е чакаецца на гэтым тыдні па краіне. Цяплей будзе па паўднёвым захадзе, халадней — па паўночным усходзе краіны.
Пра гэта TUT.BY распавёў начальнік службы метэаралагічных прагнозаў Гідрамета Мінпрыроды Дзмітрый Рабаў.
У аўторак, 23 мая, ноччу ў асобных раёнах пройдуць невялікія дажджы. Днём пераважна па поўдні кароткачасовыя дажджы, у асобных раёнах навальніцы. Ноччу і раніцай месцамі слабы туман. Тэмпература ноччу + 6 … 13°С, днём + 18 … 23°С, па поўдні да +25°С.
У сераду ў асобных раёнах краіны, а днём па Віцебскай, Гомельскай, Магілёўскай абласцях на большай частцы тэрыторыі кароткачасовыя дажджы, днём па паўднёвым усходзе рэспублікі навальніцы. Тэмпература ноччу + 6 … 13°С, днём + 17 … 23°С, па поўначы + 15 … 16°С.
25 мая ў асобных раёнах краіны кароткачасовыя дажджы, па паўднёвым усходзе навальніцы. Тэмпература ўначы ад +5°С на паўночным захадзе да +13°С на паўднёвым усходзе краіны, днём + 16 … 23°С.
У пятніцу надвор'е будзе вызначаць атмасферны фронт з Заходняй Еўропы, які прынясе дажджы ўжо на большую частку тэрыторыі краіны, днём у асобных раёнах навальніцы. Ноччу і раніцай слабы туман. Тэмпература ноччу + 5 … 12°С, днём + 13 … 20°С.
У выходныя пераважна без ападкаў. Сярэдняя тэмпература паветра ў трэцяй дэкадзе мая па Беларусі чакаецца каля кліматычнай нормы (норма + 14 … 16°С).
Каментары