Амерыканская Google, якая ўваходзіць у холдынг Alphabet, у 2018 годзе укарэніць у інтэрнэт-браўзэр Chrome функцыю блакіроўкі назойлівай рэкламы, піша «Інтэрфакс».
Кампанія заявіла ў сваім блогу, што дасць уладальнікам сайтаў інструмент Ad Experience Reports, які дапаможа ім зразумець, якая рэклама лічыцца прымальнай і як вырашыць праблемы з рэкламай, якая не адпавядае стандартам.
Стандарты якасці рэкламы будзе вызначаць «Кааліцыя за лепшую рэкламу», у якую ўвайшлі такія буйныя кампаніі, як Google, Facebook, News Corp., Interactive Advertising Bureau (IAB) і Procter & Gamble. Непрымальнай, у прыватнасці, будзе лічыцца рэклама ў выглядзе вокнаў, што ўсплываюць, дзе аўтаматычна ўключаюцца відэаролікі, а таксама рэкламныя аб'явы з адваротным адлікам часу, адзначае BBC.
У Google разлічваюць на тое, што новая функцыя перашкодзіць росту колькасці карыстальнікаў, якія ў спробе пазбавіцца ад назойлівай рэкламы ўсталёўваюць праграмнае забеспячэнне, якое блакуе наогул усю рэкламу. Google Chrome — самы папулярны інтэрнэт-браўзэр у свеце. Паводле дадзеных StatCounter, у маі яго рынкавая доля складала 54,14%. Другое месца займае Safari (14,26%), далей ідзе UC Browser (8,4%).
У апошнія гады папулярнасць інструментаў блакавання інтэрнэт-рэкламы актыўна расце. Па дадзеных IAB, імі карыстаецца каля 26% карыстальнікаў у ЗША.
Цяпер чытаюць
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»3
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары