«Пары Сен-Жэрмен», «Манака» і «Манчэстэр Юнайтэд» маюць намер набыць форварда «Рэала» Крышціяну Раналду ў міжсезонне.
Усе тры клубы прапанавалі за найлепшага футбаліста свету €180 млн. Таксама гэтую суму гатовы заплаціць за партугальца адзін з кітайскіх клубаў. Пра гэта паведамляе выданне A Bola.
Кантракт Раналду з «Рэалам» разлічаны да чэрвеня 2021 года. Партугалец працягнуў пагадненне з мадрыдскім клубам ў 2016 годзе, і, па звестках Sun, у ім указаная сума выкупу ў €1 млрд.
У студзені Don Balon паведаміў, што «Рэал» не збіраецца ўтрымліваць Раналду да 2021 года і мае намер прадаць яго да заканчэння кантракта, бо ў адваротным выпадку ён не зможа зарабіць на сыходзе гульца. Выданне сцвярджала, што «Рэал» збіраецца прадаць Раналду па заканчэнні сезона 2018/2019 года — партугальцу на той момант будзе 33 гады і цана на яго будзе ўсё яшчэ высокай.
Каментары