Нейрасеткі навучыліся распазнаваць алкаголікаў і наркаманаў па допісах і лайках у Facebook
Даследчыкі з ЗША распрацавалі нейрасетку, якая з высокай доляй імавернасці па допісах і лайках карыстальніка можа вызначыць, з’яўляецца ён залежным ад алкаголю і наркотыкаў ці не. Даследаванне апублікаванае на сайце бібліятэкі Корнэльскага ўніверсітэта.
Навукоўцы выказалі здагадку, што паводзіны чалавека ў сацыяльных сетках могуць указваць на іх шкодныя звычкі. Для праверкі сваёй гіпотэзы даследчыкі выкарысталі алгарытм машыннага навучання, які быў натрэніраваны з дапамогай трох баз дадзеных, сабраных з 2007 па 2012 год дадаткам для псіхалагічных тэстаў myPersonality.
Пасля навучання нейрасетка здолела ўпэўнена распазнаваць наяўнасць шкодных звычак у чалавека. Імавернасць курэння вызначаецца з максімальнай дакладнасцю 86%, імавернасць ужывання алкаголю і наркотыкаў — 84% і 81% адпаведна.
Алгарытм паказаў, што людзі, якія кураць і п’юць алкаголь, часцей ужываюць словы, звязаныя з рухамі («машына», «ісці»), а таксама любяць фільм «V — азначае Вендэта». У той час як людзі, якія ўжываюць наркотыкі, часцей ужываюць злыя словы («забіваць», «нянавісць»), словы, звязаныя са здароўем («шпіталь», «лекі»), а таксама любяць музычныя гурты Radiohead, The Cure і Depeche Mode.
Раней сама сацыяльная сетка Facebook распрацавала алгарытм, які можа выяўляць карыстальнікаў, якія знаходзяцца ў зоне рызыкі і патэнцыйна могуць учыніць самагубства.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы68
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары