Скрабец: Лукашэнку не хвалююць выбары, яго хвалюе цана на газ
На жаль, Аляксандар Казулін зьяўляецца казырнай картай у гульні Лукашэнкі з Расіяй.
“На жаль, Аляксандр Казулін з'яўляецца казырнай картай у гульні Лукашэнкі з Расіяй", — так пракаментаваў вызваленне экс-кандыдата ў прэзідэнты яго паплечнік Сяргей Скрабец.
"Першы момант: Лукашэнка заявіў аб намерах палепшыць адносіны з Еўропай і ЗША. Гэта адыграла сваю ролю ў вызваленні Казуліна. Другое: быў заключаны кантракт на паляпшэнне іміджу з брытанскім піяршчыкам лордам Белам, і ўжо тады пачалі хадзіць чуткі, што яго парада: выпусціць усіх палітычных зняволеных. Трэцяе: пагоршыліся адносіны з Расіяй. Лукашэнка не падтрымаў дзеянні Расіі ў Грузіі. І Лукашэнку хвалюе пытанне цаны на газ, якая будзе ў наступным годзе. Ён дэманструе паляпшэнне адносін з Амерыкай, адсутнасць падтрымкі Расіі ў Грузіі, выпускае Казуліна. Гэта сігнал Расіі: калі вы не хочаце гэтага, а хочаце размясціць у Беларусі ракеты, супрацоўнічаць з Беларуссю і бачыць у ёй саюзніка, то давайце газ па старой цане", — лічыць С. Скрабец.
Між тым, палітык не звязвае вызваленне А.Казуліна з выбарамі ў парламент. "Прызнаваць выбары няма ніякай неабходнасці. Лукашэнку не надта хвалюе, прызнаюць выбары ці не. Яго хвалюе цана на газ", — лічыць С. Скрабец.
"Так што ўказ аб памілаванні — гэта не змякчэнне палітычнай сітуацыі, а вынік складанасцей у адносінах з Расіяй ", — заявіў С. Скрабец.
"Я пісаў Казуліну, што зыходзячы з сітуцыі, што складваецца, яго хута вызваляць. Але я не думаў, што гэта адбудзецца ў пятніцу (15 жніўня). Відаць, на рашэнне ўладаў паўплывала смерць яго цесця", — выказаў меркаванне С. Скрабец.
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
Цяпер чытаюць
Беларусы сустракаюць вызваленых палітвязняў у Вільні ФОТЫ і ВІДЭА4
Каментары