На саміце ў Брусэлі кіраўнікі еўрапейскіх краін падтрымалі ініцыятыву Францыі і Германіі па распрацоўцы супольнай абароннай палітыкі. Прынялі рашэнне, што схема такой палітыкі мае быць акрэсленая цягам трох месяцаў.
Францыя і Германія збіраюцца пайсці ў інтэграцыі Узброеных сілаў нават далей, паведамляе EUObserver.
Эманюэль Макрон назваў гэты крок гістарычным, а канцлерка Нямеччыны Ангела Меркель заявіла, што новыя структуры будуць дапаўняць НАТА.
З краін ЕС устрымаюцца ад удзелу ў новай ініцыятыве Ірландыя — якая трымаецца нейтралітэту, а таксама Данія, што традыцыйна не ўдзельнічае ў еўрапраектах палітычнага і бяспекавага плана.
Як мяркуецца, планы будуць датычыць інтэграцыі вайскова-прамысловага комплексу, аб'ядання намаганняў у сферы распрацоўкі новых тэхналогій узбраенняў і стварэння інтэграваных кантынгентаў для выканання задач за межамі Еўрасаюза.
Варта адзначыць, што рэакцыяй на Брэксіт стала рэзкае ўзмацненне праеўрапейскіх настрояў ва ўсіх астатніх краінах Еўрасаюза.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары