25 чэрвеня напярэдадні Дня незалежнасці Рэспублікі Беларусь па запрашэнні міністра замежных спраў Уладзіміра Макея кіраўнікі дыпламатычных місій, акрэдытаваных у краіне, разам з сем'ямі прынялі ўдзел у свяце «Дзень беларускай вышыванкі», паведамляе прэс-служба беларускага замежнапалітычнага ведамства.
У сваім выступе У.Макей падкрэсліў важнасць правядзення такіх мерапрыемстваў, накіраваных на захаванне і папулярызацыю беларускай самаідэнтычнасці.
«Добра, што сёння мы маем магчымасць вярнуцца да гісторыі, вярнуцца да нашых каранёў, — сказаў міністр. — Я лічу, што наша сённяшняя сустрэча — гэта таксама ваш уклад у развіццё беларускай ідэнтычнасці, у развіццё беларускай дзяржавы».
Міністр адзначыў, што характэрныя рысы нацыянальнага характару беларусаў — міралюбнасць і неканфліктнасць — праяўляюцца і ў нацыянальных арнаментах нашай краіны, якія па сваёй сутнасці накіраваны выключна на мір і стварэнне.
У.Макей звярнуў увагу прысутных, што нашы арнаменты аб'ядноўваюць беларусаў з іншымі славянскімі народамі. «Сёння прагучала яшчэ адна ідэя: правесці мерапрыемства, на якое ўсе прыйдуць у сваіх нацыянальных кашулях, у сваёй нацыянальнай вопратцы», — прапанаваў міністр.
Кіраўнік замежнапалітычнага ведамства Беларусі таксама выказаў надзею, што традыцыя, якая была закладзена сёння, будзе і далей захоўвацца і развівацца.
Увазе ўдзельнікаў таксама была прадстаўлена дэманстрацыя вырабаў з лёну з фондаў «Беларускіх мастацкіх промыслаў» і прыватных калекцый.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м38
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары