Раніцай у Саломенскім раёне Кіева быў узарваны аўтамабіль «Мерсэдэс», у выніку загінуў кіроўца аўто — вайсковец Міністэрства абароны Украіны Максім Шапавал.
У праваахоўных органах «Украінскай праўдзе» паведамілі, што Шапавал кіраваў спецназам Галоўнага ўпраўлення разведкі Мінабароны Украіны.
Праз гадзіну гэту інфармацыю пацвердзіла міністэрства абароны Украіны.
«Раніцай 27 чэрвеня ў Саломенскім раёне горада Кіева адбыўся выбух аўтамабіля, у выніку якога загінуў супрацоўнік Галоўнага ўпраўлення разведкі Міністэрства абароны Украіны палкоўнік Максім Шапавал», — гаворыцца ў паведамленні.
На месцы здарэння працуюць супрацоўнікі Нацыянальнай паліцыі, выратавальнікі, выбухатэхнікі і эксперты-крыміналісты.
«Здарэнне кваліфікаванае як тэрарыстычны акт. Усе акалічнасці трагедыі вызначаюцца», — дадаюць у Мінабароны.
Паведамляецца таксама, што выбухам параніла жанчыну, якая апынулася побач. Кіяўлянка 1990 года нараджэння атрымала аскепкавыя раненні ног, калі праходзіла побач. Яшчэ адзін чалавек звярнуўся да дактароў, але ён не мае цяжкіх пашкоджанняў
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары