Ranicaj u Sałomienskim rajonie Kijeva byŭ uzarvany aŭtamabil «Miersedes», u vyniku zahinuŭ kiroŭca aŭto — vajskoviec Ministerstva abarony Ukrainy Maksim Šapavał.
U pravaachoŭnych orhanach «Ukrainskaj praŭdzie» paviedamili, što Šapavał kiravaŭ śpiecnazam Hałoŭnaha ŭpraŭleńnia raźviedki Minabarony Ukrainy.
Praz hadzinu hetu infarmacyju paćvierdziła ministerstva abarony Ukrainy.
«Ranicaj 27 červienia ŭ Sałomienskim rajonie horada Kijeva adbyŭsia vybuch aŭtamabila, u vyniku jakoha zahinuŭ supracoŭnik Hałoŭnaha ŭpraŭleńnia raźviedki Ministerstva abarony Ukrainy pałkoŭnik Maksim Šapavał», — havorycca ŭ paviedamleńni.
Na miescy zdareńnia pracujuć supracoŭniki Nacyjanalnaj palicyi, vyratavalniki, vybuchatechniki i ekśpierty-kryminalisty.
«Zdareńnie kvalifikavanaje jak terarystyčny akt. Usie akaličnaści trahiedyi vyznačajucca», — dadajuć u Minabarony.
Paviedamlajecca taksama, što vybucham paraniła žančynu, jakaja apynułasia pobač. Kijaŭlanka 1990 hoda naradžeńnia atrymała askiepkavyja ranieńni noh, kali prachodziła pobač. Jašče adzin čałaviek źviarnuŭsia da daktaroŭ, ale jon nie maje ciažkich paškodžańniaŭ
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary