У канцы XIX стагоддзя гэтае месца на возеры Ратамахана на Паўночным востраве Новай Зеландыі прыцягвала тысячы турыстаў. Цудоўны вадаспад быў памерам з васьміпавярховы дом, але ў адну ноч у 1886 годзе ён быў разбураны ў выніку вывяржэння суседняга вулкана. Лічылася, што цуд свету быў назаўсёды сцёрты з твару Зямлі.
Аднак дзякуючы даследаванням дзённіка нямецкага географа Фердынанда фон Хохштэтэра, які жыў у XIX стагоддзі, атрымалася выявіць месца, у якім раней знаходзіліся тэрасы. Запісы Хохштэтэра засталіся адзіным дакладным апісаннем гэтага месца з яго прыкладнымі каардынатамі і арыенцірамі. Аказалася, што тэрасы зусім не былі разбураны, а толькі пахаваныя пад 15-метровым пластом вулканічнага попелу. Возера і ваколіцы моцна змянілі знешні выгляд, таму з тых часоў і да цяперашняга моманту адсачыць ранейшае месцазнаходжанне тэрас было немагчыма.