139 з вызваленых знаходзіліся ў няволі яшчэ з 2022 года, у тым ліку абаронцы Марыупаля.
«Першы ў гэтым годзе абмен. Сёння мы вярнулі дадому яшчэ 157 украінцаў — вайскоўцаў і мірных жыхароў. Гэта была працяглая і напружаная аперацыя, і мы маем годны вынік. 139 з вызваленых знаходзіліся ў няволі яшчэ з 2022 года», — напісаў у сваім тэлеграм-канале кіраўнік Офіса прэзідэнта Украіны Кірыл Буданаў.
«Сярод тых, хто вяртаецца дадому, — 19 незаконна асуджаных абаронцаў, 15 з іх — да пажыццёвага зняволення. А таксама — абаронцы Марыупаля. Гэтыя людзі прайшлі праз надзвычай цяжкія выпрабаванні, але выстаялі», — дадаў ён.
«Асобная падзяка партнёрам са Злучаных Штатаў Амерыкі і Аб’яднаных Арабскіх Эміратаў за важнае пасярэдніцтва і садзейнічанне. Мы змагаемся за сваіх. І вяртаем сваіх. Працягваем працу. Слава Украіне!» — напісаў Кірыл Буданаў.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку43
Каментары