Самая таямнічая капліца Беларусі стаіць проста пасярод лесу — казачныя ФОТЫ
Цяжка паверыць, што на здымках вядомага фотамастака Віктара Малышчыца беларуская капліца, настолькі нерэальна яна выглядае. Стаіць капліца проста пасярод лесу ля амаль нежывой вёскі Дубок недалёка ад берага Віліі.
Збудавалі яе ў 1929 годзе, капліцы няма яшчэ і ста гадоў. Амаль увесь час яна зачыненая. Святая Імша тут праходзіць раз на год, у першую нядзелю ліпеня падчас штогадовага фэсту, на які ў лясны гушчар да капліцы з’язджаюцца вернікі. Электрычнасці, дарэчы, тут няма.
«Памятаю, памучыўся, пакуль адшукаў гэтае месца, — прыгадвае Віктар Малышчыц. — А ў вёсцы і не было ў каго запытацца — ніводнай жывой душы. Зусім выпадкова на яго наткнуўся. Стаіць капліца крыху збоку ад Дубка, непадалёк ад берага Віліі. Там яшчэ па дарозе можна ўбачыць вельмі стары развалісты тоўсты-тоўсты дуб. Дарэчы, заўважыў вось што. Па Віліі сплаўляецца шмат байдарачнікаў, і ў іх на картах гэтая капліца нанесеная. Многія з іх спыняюцца, прыходзяць да капліцы».
Трэба сказаць, што здымкі Малышчыц зрабіў год таму. З новым дахам капліца выглядае зусім інакш.
Гэтыя фота зробленыя падчас сёлетняга фэсту, што прайшоў тыдзень таму.
А вось старыя фота капліцы, якія адшукаў Кастусь Шыталь.
У Беларусі ўжо некалькі вечароў праблемы з інтэрнэтам. Расказваем, што адбываецца2
Каментары