Пасольства Украіны накіравала ў Міністэрства замежных спраў Беларусі ноту ў сувязі з паказам трэйлера расійскага фільма «Крым» ў мінскіх кінатэатрах.
Пра гэта «Нашай Ніве» паведамілі ў прэс-службе місіі.
«Крым» быў зняты на грошы расійскага ўрадавага Фонду кіно. Яго рэжысёр — тэлевядучы Аляксей Піманаў.
У сюжэце — гісторыя кахання на фоне анексіі Крыма вясной 2014 года.
Беларусь фармальна не прызнала пераходу Крыма пад расійскую юрысдыкцыю. На выпушчаных у Беларусі картах Крым і Усходні Данбас па-ранейшаму абазначаюцца як тэрыторыя Украіны.
У той жа час Мінск прызнае за здзейснены факт тое, што Крым стаў часткай Расіі. «Украіна мусіць заставацца адзінаю, непадзельнаю і цэласнаю, але Крым дэ-факта сёння — частка Расеі, — заявіў Аляксандр Лукашэнка яшчэ ў 2014 годзе. — Можна прызнаваць гэта ці не прызнаваць, але ад гэтага нічога не зменіцца».
Цяпер чытаюць
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну7
Каментары