Грамадзяне Беларусі пацярпелі ў ДТЗ пад Кіевам. Пра гэта паведамляе Галоўнае ўпраўленне Нацыянальнай паліцыі ў Кіеўскай вобласці.
Аварыя адбылася каля 7.30 на 61-м км аўтатрасы Кіеў-Адэса. Сутыкнуліся тры аўтамабілі, пацярпелі 9 чалавек, сярод іх двое дзяцей. «Папярэдне высветлена, што кіроўца аўтамабіля Nissan з дзяржаўнымі нумарамі Беларусі выехаў на сустрэчную паласу руху, дзе здзейсніў сутыкненне з двума аўтамабілямі.
Аўтамабіль Saab, з дзяржнумарамі Беларусі, у салоне якога ехалі грамадзяне Беларусі, рухаўся ў кірунку Кіева. За ім ішлі аўтамабіль Mitsubishi з украінскімі дзяржнумарамі, у салоне якога таксама былі грамадзяне Беларусі. У гэты час ім насустрач выехаў аўтамабіль Nissan», - гаворыцца ў паведамленні.
У выніку ДТЗ траўмы рознай ступені цяжкасці атрымалі 9 чалавек. Пацярпелыя дастаўлены ў медустановы. Высвятляюцца абставіны здарэння.
— На шчасце, ні дзецям, ні дарослым нішто не пагражае. Дзяцей даставілі ў Васількаўскую бальніцу, дарослыя знаходзяцца ў бальніцы ў Белай Царкве. Толькі ў аднаго пацярпелага пераломы, — адзначылі ў прэс-службе Галоўнага ўпраўлення Нацыянальнай паліцыі ў Кіеўскай вобласці.
Каментары