Кіраўнік т. зв. «ДНР» Аляксандр Захарчанка заявіў, што канчатковага рашэння па стварэнні Маларосіі няма. Па яго словах, пакуль толькі пачалася дыскусія на гэтую тэму, піша РБК.
У заяве Захарчанкі, якую прывяло «Данецкае агенцтва навін», сказана пра тое, што «канчатковыя рашэнні адносна магчымасці стварэння новага дзяржаўнага ўтварэння (Маларосіі) у складзе Данбаса і рэгіёнаў Украіны не прынятыя». «Галоўнае, дыскусія будзе працягнутая», — сказаў кіраўнік «ДНР».
Захарчанка заявіў, што на Данбасе не стваралі новай дзяржавы, а толькі прапанавалі дыскусію. Па яго словах, улады «ДНР» атрымалі велізарную колькасць водгукаў з усёй Украіны. Прычым водгукі гэтыя неадназначныя. Як адзначыў Захарчанка, «адрозніваюцца меркаванні адносна размяшчэння сталіцы, дзяржаўнай сімволікі, а таксама складу, фармату і месца правядзення легітымнага ўстаноўчага сходу з прадстаўнікамі абласцей Украіны».
Ідэя кіраўніка «ДНР» сапраўды выклікала супярэчлівыя водгукі. Так, у «ЛНР» адразу заявілі, што не маюць ніякага дачынення да Маларосіі, у Вярхоўнай радзе прапанавалі абмеркаваць новую дзяржаву з псіхіятрамі, а прэс-сакратар расійскага прэзідэнта Дзмітрый Пяскоў назваў выступ Захарчанкі яго асабістай ініцыятывай.
«Карысным» «хайп з нагоды ўяўнай дзяржавы Маларосія» назваў памочнік прэзідэнта Расіі Уладзіслаў Суркоў. Ён патлумачыў словы Захарчанкі тым, што Данбас «ваюе не за аддзяленне ад Украіны, а за яе цэласнасць».
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары