Літва разлічвае на тое, што Кангрэс ЗША правядзе спецыяльныя слуханні па абмеркаванні пытання бяспекі БелАЭС. З такім пажаданнем выступіў у аўторак падчас сустрэчы з размешчанай тут дэлегацыяй амерыканскіх заканадаўцаў міністр энергетыкі Літвы Жыгімонта Вайчюнас, паведамляе прэс-служба ведамства.
«Спадзяюся, што ў Кангрэсе ЗША будуць арганізаваны спецыяльныя слуханні па пытанні АЭС у Беларусі, а таксама ацэнкі ўплыву Расіі на сусветную і рэгіянальную атамную энергетыку», - заявіў ён.
Літоўскі міністр выказаў пажаданне, каб да гэтых слуханняў былі прыцягнутыя прадстаўнікі грамадзянскай супольнасці Беларусі.
Як адзначаецца ў паведамленні Міністэрства энергетыкі Літвы, якое цытуе tut.by, члены Кангрэсу ЗША «абяцалі больш актыўны ўдзел сваёй краіны ва ўзмацненні ўплыву міжнародных арганізацый у справе кантролю ядзернай бяспекі і захавання прыродаахоўных патрабаванняў».
Раней прэзідэнт Літвы Даля Грыбаўскайтэ падымала пытанне БелАЭС ў размовах з віцэ-прэзідэнтам ЗША Майкам Пэнсам і прэзідэнтам ЗША Дональдам Трампам. Яна лічыць, што «небяспечная Беларуская АЭС і газаправод «Паўночны паток - 2» Расіяй могуць быць выкарыстаны ў якасці прылады неканвенцыйнага шантажу», паколькі БелАЭС будуе расійская карпарацыя «Росатам» і ў выпадку аварыі на станцыі радыеактыўнаму забруджванню могуць падвергнуцца 16 сталіц Еўропы.
Беларуская АЭС ўзводзіцца за кошт крэдыту Расіі, для яе будаўніцтва выбраны праект АЭС-2006 - тыпавы расійскі праект атамнай станцыі новага пакалення з выкарыстаннем вода-вадзянога энергетычнага рэактара ВВЭР-1200. Першая пастаўка ядзернага паліва на БелАЭС чакаецца ў канцы 2018 года. Увод у эксплуатацыю першага энергаблока запланаваны на 2019 г., другога - на 2020-ы.
Літва сцвярджае, што працы вядуцца без выканання патрабаванняў бяспекі і экалагічных стандартаў. Менск гэтыя прэтэнзіі адхіляе.
Цяпер чытаюць
На Шры-Ланцы ў 37 гадоў памёр беларускі кінапрадзюсар Андрэй Маталыга3
Каментары