У Беларусі, паводле неафіцыйных зьвестак, можа налічвацца да 200 тыс. наркаманаў
Афіцыйна іх колькасьць ацэньваецца спецыялістамі ў 70‑80 тыс.
Афіцыйна іх колькасць ацэньваецца спецыялістамі ў 70‑80 тыс.
Рэальна на ўліку знаходзіцца больш за 13 тыс. наркаманаў і таксікаманаў.Прыблізна 3 тыс. праходзяць прымусовае лячэнне. За апошнія 10 гадоў колькасць нарказалежных у краіне павялічылася ў тры разы і цяпер складае 130 чалавек на 100 тыс. насельніцтва. Такія лічбы на прэс‑канферэнцыі 28 жніўня абнародаваў начальнік аддзела па наглядзе за следствам Генеральнай пракуратуры Уладзімір Марцаль.
Паводле яго слоў, штогод у Беларусі ўчыняецца 4‑6 тыс. злачынстваў, звязаных з незаконным абаротам наркотыкаў.
У першым паўгоддзі 2008 года іх зарэгістравана прыблізна 2 тыс., што прыкладна адпавядае паказчыку за аналагічны перыяд 2007 года. Значна актывізавалася праца па выяўленні і прыцягненні да адказнасці збытчыкаў наркотыкаў (раней больш увагі надавалася тым, хто набывае і ўжывае наркотыкі). Калі ў мінулыя гады было выяўлена 200‑300 такіх грамадзян, то ў першым паўгоддзі 2008 года ўжо прыблізна 800. Пры гэтым прадстаўнік Генпракуратуры са шкадаваннем канстатаваў, што ў гэтай масе пераважаюць дробныя збытчыкі.
За шэсць месяцаў 2008 года за злачынствы, звязаныя з абаротам наркотыкаў, распачата 1.018 крымінальных спраў у дачыненні да 1.187 абвінавачаных. За аналагічны перыяд 2007 года гэтыя паказчыкі складалі адпаведна 1.172 і 1.134.
Шкадуе У.Марцаль таксама аб тым, што сёлета не абышлося без апраўдальных прыгавораў судоў пры разглядзе спраў гэтай катэгорыі. Апраўданы тры абвінавачаныя. Такія дзеянні судовых органаў прадстаўнік Генпракуратуры звязаў з непаўнатой расследавання, няякасным расследаваннем, парушэннямі, дапушчанымі пры зборы доказаў.
Незадавальненне Генпракуратуры выклікае і той факт, што выяўляюцца толькі адзінкавыя факты крадзяжоў наркатычных сродкаў у сістэме Міністэрства аховы здароўя, вельмі няшмат выяўляецца прытонаў для наркаманаў.
Цяпер чытаюць
Беларускую мову на ЦТ выбірае ўсё меншая доля выпускнікоў школ. Калі 20 гадоў таму яе здавала амаль палова, цяпер — толькі кожны шосты8
Каментары