U Biełarusi, pavodle nieaficyjnych źviestak, moža naličvacca da 200 tys. narkamanaŭ
Aficyjna ich kolkaść aceńvajecca śpiecyjalistami ŭ 70‑80 tys.
Aficyjna ich kolkaść aceńvajecca śpiecyjalistami ŭ 70‑80 tys.
Realna na ŭliku znachodzicca bolš za 13 tys. narkamanaŭ i taksikamanaŭ.Pryblizna 3 tys. prachodziać prymusovaje lačeńnie. Za apošnija 10 hadoŭ kolkaść narkazaležnych u krainie pavialičyłasia ŭ try razy i ciapier składaje 130 čałaviek na 100 tys. nasielnictva. Takija ličby na pres‑kanfierencyi 28 žniŭnia abnarodavaŭ načalnik adździeła pa nahladzie za śledstvam Hienieralnaj prakuratury Uładzimir Marcal.
Pavodle jaho słoŭ, štohod u Biełarusi ŭčyniajecca 4‑6 tys. złačynstvaŭ, źviazanych ź niezakonnym abarotam narkotykaŭ.
U pieršym paŭhodździ 2008 hoda ich zarehistravana pryblizna 2 tys., što prykładna adpaviadaje pakazčyku za anałahičny pieryjad 2007 hoda. Značna aktyvizavałasia praca pa vyjaŭleńni i pryciahnieńni da adkaznaści zbytčykaŭ narkotykaŭ (raniej bolš uvahi nadavałasia tym, chto nabyvaje i ŭžyvaje narkotyki). Kali ŭ minułyja hady było vyjaŭlena 200‑300 takich hramadzian, to ŭ pieršym paŭhodździ 2008 hoda ŭžo pryblizna 800. Pry hetym pradstaŭnik Hienprakuratury sa škadavańniem kanstatavaŭ, što ŭ hetaj masie pieravažajuć drobnyja zbytčyki.
Za šeść miesiacaŭ 2008 hoda za złačynstvy, źviazanyja z abarotam narkotykaŭ, raspačata 1.018 kryminalnych spraŭ u dačynieńni da 1.187 abvinavačanych. Za anałahičny pieryjad 2007 hoda hetyja pakazčyki składali adpaviedna 1.172 i 1.134.
Škaduje U.Marcal taksama ab tym, što sioleta nie abyšłosia biez apraŭdalnych pryhavoraŭ sudoŭ pry razhladzie spraŭ hetaj katehoryi. Apraŭdany try abvinavačanyja. Takija dziejańni sudovych orhanaŭ pradstaŭnik Hienprakuratury źviazaŭ ź niepaŭnatoj rasśledavańnia, niajakasnym rasśledavańniem, parušeńniami, dapuščanymi pry zbory dokazaŭ.
Niezadavalnieńnie Hienprakuratury vyklikaje i toj fakt, što vyjaŭlajucca tolki adzinkavyja fakty kradziažoŭ narkatyčnych srodkaŭ u sistemie Ministerstva achovy zdaroŭja, vielmi niašmat vyjaŭlajecca prytonaŭ dla narkamanaŭ.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj11
Kamientary