Намеснік старшыні Ліберальна-дэмакратычнай партыі Алег Гайдукевіч выклаў у фэйсбуку здымак з былым кіраўніком вайсковай часткі 3214 Дзмітрыем Паўлічэнкам.
«Дзмітрый Паўлічэнка актыўна займаецца спортам штодня. Спецназ — гэта назаўжды», — напісаў Гайдукевіч.
Паўлічэнку 51 год. Ён быў сярод тых, хто падазраваўся ў датычнасці да так званых «эскадронаў смерці» ў выніку чаго зніклі палітыкі Ганчар і Захаранка, бізнэсовец Красоўскі, а таксама журналіст Завадскі.
У лістападзе 2000 Паўлічэнка быў арыштаваны па загадзе старшыні КДБ Уладзіміра Мацкевіча, але выйшаў праз пару дзён. Па вызваленні Паўлічэнка заявіў, што «гатовы выканаць любы загад Лукашэнкі».
Паўлічэнка камандваў разгонам акцый апазіцыі. Быў уключаны ў «чорны спіс» краін Еўрасаюза і ЗША. У 2009 Паўлічэнка быў звольнены са службы па стане здароўя.
Цяпер чытаюць
17‑гадовы хлопец жыве ў падвале. Ён загарнуўся ў чырвона-зялёны сцяг, каб Лукашэнка звярнуў на яго ўвагу26
Каментары