Урад Вялікабрытаніі абверг інфармацыю аб тым, што Лондан гатовы выплаціць Бруселю 40 мільярдаў еўра кампенсацыі за выхад з Еўрасаюза. Пра гэта заявіў афіцыйны прадстаўнік прэм'ер-міністра Вялікабрытаніі Тэрэзы Мэй, піша DW. «Што тычыцца гэтай лічбы — мы яе не прызнаем», — заявіў прадстаўнік Мэй.
Раней, 5 жніўня, газета The Sunday Telegraph са спасылкай на крыніцы ў брытанскіх урадавых колах паведаміла, што Вялікабрытанія ў рамках працэдуры Brexit гатовая выплаціць да 40 млрд. еўра для пакрыцця сваіх абавязацельстваў перад ЕС.
У канцы ліпеня Лондану і Бруселю не ўдалося дасягнуць прагрэсу ў ходзе першага раунда перамоў па Brexit. Як паведамляла The Sunday Telegraph са спасылкай на чыноўніка ў брытанскім урадзе, Брусель настойвае на 60 млрд еўра, тады як для Лондана прымальная сума — бліжэй да 30 млрд.
Між тым брытанцы ўсё менш вераць у поспех перамоўнай стратэгіі ўрада па выхадзе з ЕС. Згодна з вынікамі апытання грамадскай думкі, апублікаваных сацыялагічным інстытутам ORB 7 жніўня, 61% брытанцаў не згодныя з тым, як Тэрэза Мэй праводзіць перамовы. Для параўнання: у ліпені незадаволенасць дзеяннямі Мэй па Brexit выказвалі 56%, а ў чэрвені — 46% апытаных.
-
Расія паскардзілася ў ЮНЕСКА на фільм, які атрымаў «Оскара». Кажуць, што не падумалі пра дзяцей
-
Польскі суд адобрыў экстрадыцыю вядомага расійскага археолага ва Украіну. Яго вінавацяць у незаконных раскопках у Крыме
-
Кіраўнік «Альтэрнатывы для Германіі» Аліса Вайдэль заклікала да паставак нафты з Расіі
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі13
Каментары