Беларускі сіноптык Дзмітрый Рабаў у эфіры АНТ паведаміў папярэдні прагноз надвор'я на тыдзень з 27 ліпеня па 2 жніўня. Паводле яго слоў, апошнія дні ліпеня і пачатак жніўня будуць цёплымі, але без працяглай спякоты. Разам з тым на працягу тыдня чакаюцца кароткачасовыя дажджы і навальніцы.
У панядзелак, 27 ліпеня, надвор'е будзе вызначаць актыўны атмасферны фронт з Балтыйскага мора. Чакаецца воблачнасць з праясненнямі, месцамі раніцай магчымы туман. Ноччу тэмпература складзе ад +11 да +16 градусаў, удзень — ад +21 на паўночным захадзе да +30 у Брэсцкай і Гомельскай абласцях.
У аўторак захаваюцца няўстойлівыя вільготныя паветраныя масы. Воблачнае надвор'е будзе суправаджацца кароткачасовымі дажджамі і навальніцамі. Уначы прагназуецца ад +10 да +16, удзень — ад +17 да +23 градусаў, а на ўсходзе краіны паветра можа прагрэцца да +29.
У сераду таксама чакаюцца кароткачасовыя дажджы, месцамі навальніцы. Раніцай магчымы туман, вільготнасць паветра дасягне 90%. Будзе дзьмуць парывісты заходні і паўночна-заходні вецер. Тэмпература ноччу складзе ад +12 да +17, удзень — ад +18 да +25 градусаў.
У чацвер, 30 ліпеня, захаваецца ўплыў няўстойлівых паветраных мас. На паўднёвым усходзе краіны магчымыя навальнічныя дажджы, ноччу і раніцай — туманы. Уначы чакаецца ад +9 да +14 градусаў, удзень — ад +25 па Віцебскай вобласці да +27 па Брэсцкай і Гомельскай абласцях.
У пятніцу істотных ападкаў не прагназуецца. Надвор'е будзе воблачным з праясненнямі, з умераным ветрам зменлівых напрамкаў. Ноччу тэмпература складзе ад +10 да +15, удзень — ад +19 да +25 градусаў.
У суботу, 1 жніўня, у асобных раёнах магчымыя кароткачасовыя дажджы і навальніцы. Уначы будзе ад +10 да +15, удзень — ад +19 да +25 градусаў, найбольш цёпла будзе на паўднёвым усходзе краіны.
У нядзелю, 2 жніўня, прагназуецца воблачнае надвор'е з праясненнямі. У большасці раёнаў чакаюцца дажджы, ноччу і раніцай магчымы туман. Тэмпература ўначы складзе каля +12 градусаў, удзень — ад +15 да +20, а ў Гомельскай і Магілёўскай абласцях — ад +21 да +25 градусаў.
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру4
Каментары