У Латвіі выпускнікі школ 9-х і 12-х класаў будуць здаваць экзамены толькі на латышскай мове. Змены закрануць і школы нацыянальных меншасцяў, у тым ліку рускамоўных. Выключэнне складаюць экзамены па моўных прадметах. Пра гэта гаворыцца ў паведамленні, апублікаваным на сайце Міністэрства адукацыі Латвіі.
Да гэтага часу вучні 9-га класа маглі выбіраць, на якой мове атрымліваць экзаменацыйныя матэрыялы і пісаць адказы. У 12-м класе экзаменацыйныя матэрыялы падаваліся толькі на латышскай, аднак адказ можна было даваць на нацыянальнай мове.
У Мінадукацыі Латвіі таксама лічаць, што поўны пераход да здачы экзаменаў на латышскай мове дазволіць школьнікам больш эфектыўна вучыцца ў прафесійных навучальных установах і інтэгравацца на рынку працы.
Зараз у Латвіі пражывае каля двух мільёнаў насельніцтва, каля 40% з якіх лічаць рускую сваёй роднай мовай. Адзінай дзяржаўнай мовай краіны з'яўляецца латышская. Паводле інфармацыі Міністэрства адукацыі Латвіі, з 2009 па 2016 год доля школьнікаў, якія жадаюць здаваць экзамен на нацыянальнай мове, скарацілася з 40 да 15%.
Каментары