Аўтарытэтны часопіс Consumer Reports, які выдаецца Саюзам амерыканскіх спажыўцоў, паставіў пад сумнеў надзейнасць ноўтбукаў-планшэтаў Microsoft Surface. Высветлілася, што гэтая электроніка ламаецца значна часцей за ноўтбукі і планшэты іншых брэндаў, перадае агенцтва Reuters.
У Consumer Reports з'явіліся вынікі некамерцыйнага даследавання, падчас якога было апытана каля 90 тысяч уладальнікаў партатыўных камп'ютараў. 25% карыстальнікаў Microsoft Surface заявілі, што сутыкнуліся з праблемамі ў працы апаратаў пад канец другога года валодання імі.
Няспраўнасці заключаліся ў нечаканых адключэннях прылад, завісанні і некарэктнай працы сэнсарных дысплэяў, растлумачыў рэдактар Consumer Reports Джэры Бейлінсан.
Паводле яго словаў, стабільнасць працы тэхнікі Microsoft у цэлым аказалася горш, чым у іншых вытворцаў. Самыя ж надзейныя прылады — у Apple, дадаў ён.
Варта адзначыць, што Consumer Reports — адно з самых аўтарытэтных выданняў у свеце. Яго эксперты самастойна тэстуюць тэхніку. Часопіс даражыць рэпутацыяй незалежнага, таму не размяшчае рэкламу на сваіх старонках, не прымае прапановаў на тэставанне абсталявання і не дазваляе выкарыстоўваць вынікі аглядаў у рэкламе прадуктаў.
Цяпер чытаюць
Іна Кулей: Мілінкевіч перамог смерць, але шлях да поўнага адужання няблізкі4
Каментары