Маладафронтаўца Міколу Дземідзенку спрабуюць выключыць з унівэрсытэту
Актывісту Полацкай філіі "Маладога Фронту" Міколу Дземідзенку паведамілі, што ён будзе адлічаны з гістарычнага факультэту Полацкага дзяржаўнага ўнівэрсытэту.
Як распавёў Мікола, выключыць яго плянуюць за нібыта ня зданы іспыт. "Іспыт я здаў яшчэ на пачатку лета падчас апошняй сэсіі, - кажа М.Дземідзенка. – Але па дадзенай дысцыпліне ў мяне заўсёды былі вышэйшыя адзнакі, таму 6 ці 7 балаў мяне не задавальнялі, і выкладчык дазволіў мне пераздаць іспыт у жніўні".
Па словах Міколы Дземідзенкі, іспыт ён пераздаў, але ўжо іншаму выкладчыку. Працу Міколы правяраў асабіста намесьнік дэкана.
Што дзіўна, Мікола — адзін з найлепшых вучняў — стаўся адзіным студэнтам з 40, які атрымаў незадавальняючую адзнаку за пісьмовы іспыт. "Працу маю мне паглядзець не дазволілі", - адзначае Мікола.
Варта дадаць, што Міколу Дземідзенку, аднаму з самых яскравых рэгіянальных актывістаў, арганізатару разнастайных флэш-мобаў і акцый, і раней пагражалі выключэньнем за палітычную дзейнасьць. Зімою з Полацкага дзяржаўнага ўнівэрсытэта была таксама адлічана Кацярына Салаўёва.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою27
Каментары