Першы матч Суперкубка Іспаніі паміж «Рэалам» і «Барселонай» скончыўся з лікам 3:1.
У каталонцаў гол забіў Ліянэль Мэсі са спрэчнага пенальці.
У мадрыдскай каманды адзначылі Крышціяну Раналду і Марка Асэнсіа (абодва выйшлі на замену), а таксама ў свае вароты забіў абаронца «Барселоны» Жэрар Піке.
Аднак самым абмяркоўваемым эпізодам матча стала выдаленне Крышціяну Раналду. Першую жоўтку картку ён атрымае за тое, што зняў майку пасля забітага гола — гэта забаронена правіламі. А другую — за сімуляцыю.
Больш за тое, 32-гадовы партугалец можа прапусціць 12 гульняў, паколькі галоўны суддзя адзначыў у пратаколе, што Раналду, сыходзячы з поля, штурхнуў яго.
Калі футбаліст будзе дыскваліфікаваны не менш чым на 5 гульняў, то пакаранне распаўсюдзіцца на ўсе турніры ў Іспаніі, уключаючы чэмпіянат.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары